१४ वैशाख, विराटनगर । स्त्री तथा प्रसूति रोग विषेशज्ञ डाक्टर बालकृष्ण साहद्वारा लिखित पुस्तक ‘आमा’ सार्वजनिक गरिएको छ ।
मातृ स्वास्थ्य सचेतनाका बारेमा लेखिएको पुस्तक डाक्टर साहको जन्मदिनको अवसर पारेर मंगलबार सार्वजनिक गरिएको हो ।
पुस्तकको प्रकाशन लायन्स क्लब अफ विराटनगर हेल्थ प्रोफेसनलले गरेको छ । डाक्टर साहद्धारा लिखित पुस्तक आमामा गर्भवती महिलाको स्याहार र गर्भअवस्थामा देखिने स्वास्थ्य समस्या विषय समेटिएको छ ।
पुस्तक विराटनगर महानगरपालिकाकी उपप्रमुख इन्दीरा कार्की, नेपाल पत्रकार महासंघ मोरङका अध्यक्ष सञ्जीव खनाललगायतले संयूक्त रुपमा सार्वजनिक गरेका छन् ।
समाजमा स्वास्थ्य सम्बन्धि सचेतना नहुँदा मातृ मृत्युदर नरोकिएका कारण सचेतना जगाउने उदेश्यले पुस्तक लेखेको डाक्टर साहले जानकारी दिए ।
