१० असार, काठमाडौं । ललितपुरमा बुधबार रातो मछिन्द्रनाथकाे मूर्तिलाई स्नान गराइएको छ ।
लगनखेलमा मछिन्द्रनाथको मूर्ति राखिएको ठाउँबाट बाहिर निकाली स्नान गराइएको छ । हरेक वर्ष मछिन्द्रनाथको रथयात्राअघि मूर्तिलाई स्नान गराउने प्रचलन छ ।
मछिन्द्रनाथलाई स्नान गराएका बेला जीवित देवी कुमारीलाई पनि सहभागी गराइएको छ ।
मछिन्द्रनाथलाई स्नान गराउने दिन सयाैं मानिस सहभागी भएका छन् । कोरोना महामारीका कारण सरकारले धेरै भीड नगर्न भने पनि जात्रामा धेरै मानिस सहभागी भए ।
जात्रामा सहभागी धेरैले मास्क प्रयोग गरे पनि कतिपय विना मास्क नै सहभागी भएका थिए । रातो मछिन्द्रनाथको मूर्तिलाई स्नान गराएपछि रथ निर्माण शुरु गरिन्छ ।
हेर्नुहोस् तस्वीरहरु
