वीपी प्रतिष्ठान धरानमा थप एकजना संक्रमितको मृत्‍यु

२९ वैशाख, काठमाडौं ।वीपी प्रतिष्ठान धरानमा कोरोना संक्रमणबाट थप एकजना कोरोना संक्रमितको मृत्‍यु भएको छ ।

धरान-१, सुनसरीकी ७० वर्षीया महिलाको उपचारको क्रमममा वैशाख २८ गते दिउँसो २:३० बजे मृत्‍यु भएको वीपी प्रतष्ठान धरानले जनाएको छ ।

उनलाई वैशाख २८ गते नै कोरोना संक्रमण पुष्टि भएको थियो। उनी उच्च रक्तचापको विरामी थिइन् ।

यससँगै वीपी प्रतिष्ठान धरानमा कोरोना संक्रमणबाट मृत्‍यु हुनेको संख्या १४७ पुगेको छ ।