पत्रकार महासंघलाई चलचित्र निर्माता पौडेलको सहयोग

५ जेठ, काठमाडौं । चलचित्र निर्माता एमके पौडेलले कोरोना महामारीमा सञ्चारकर्मीहरुको स्वास्थ्य सुरक्षाका लागि भन्दै नेपाल पत्रकार महासंघको एसोसिएट प्रदेश समितिलाई एक लाख एक हजार रुपैयाँ सहयोग गरेका छन् ।

बुधबार महासंघका केन्द्रीय अध्यक्ष विपुल पोखरेल, महासचिव रोशन पुरी लगायतको उपस्थितिमा हाल अमेरिका रहेका पौडेलले पत्रकार राजन घिमिरेमार्फत प्रदेश समितिका अध्यक्ष बैकुण्ठराज पराजुलीलाई  सहयोग रकम हस्तान्तरण गरे ।

उक्त रकम महामारीमा पनि अग्रपंक्तिमा सक्रिय सञ्चारकर्मीहरुको स्वास्थ्य सुरक्षाका लागि खर्च गरिने एसोसिएट प्रदेश समितिका अध्यक्ष पराजुलीले जानकारी दिए ।