नायिका सुरक्षा पन्त र नायक कोशिश क्षेत्रीको मुख्य भूमिका रहेको सर्ट फिल्म ‘मन बार’ युटुबबाट हटाइएको छ । यो चलचित्र सार्वजनिक भएको ३ सातापछि युटुबबाट हटाइएको हो ।

यो चलचित्रलाई चोरीको आरोप लागेको थियो । हिन्दी सर्ट फिल्म ‘नामर्द’सँग हुबहु मिलेपछि चलचित्रको आलोचना भएको थियो । सामाजिक संजाल र मिडियामा चर्को आलोचना भएपछि ओएसआर डिजिटलबाट अपलोड गरिएको यो चलचित्रलाई हटाइएको हो ।

यो पनि पढ्नुहोस नेपाली सर्ट फिल्म ‘मन बार’ हिन्दी सर्ट फिल्म ‘नामर्द’को कपी

यो चलचित्रलाई जीवन शाहीले निर्देशन गरेका हुन् । चलचित्रले आधुनिक शैलीमा जीवन बाँच्न चाहने यूवा र यूवतीको कथा भन्छ ।

रुपेन्द्र खड्गीले यो चलचित्रको कथा, पटकथा तथा संवाद लेखेका हुन् । आफू अभिनित चलचित्र हिन्दी चलचित्रबाट हुबहु कपी भएको थाहा पाएपछि नायिका सुरक्षा पन्तले दुःख व्यक्त गर्दै यसको सिरिजमा काम नगर्ने बताएकी थिइन् ।

यो पनि पढ्नुहोस सुरक्षा लेख्छिन्–‘मन बार’ कपी भन्ने थाहा पाउँदा मन खुम्चिएको छ’