Comments Add Comment

ओली पक्षीय सांसद बोहराले दिएनन् स्पष्टीकरण, शाहले पठाए नसिहत पत्र

१८ जेठ, धनगढी । नेकपा एमालेका अध्यक्ष केपी शर्मा ओली पक्षीय सुदूरपश्चिम प्रदेशसभा सदस्य पठानसिंह बोहराले स्पष्टीकरण नबुझाएपछि दलका नेता प्रकाशबहादुर शाहले नसिहत पत्र पठाउँदै कारबाहीको चेतावनी दिएका छन् ।

प्रदेशसभा दलको निर्णयको फेरि पनि उल्लंघन गरेमा थप कारवाही गर्ने चेतावनी शाहले दिएका छन् ।

संसदीय दलको निर्णय विरूद्ध सार्वजनिक रूपमा अभिव्यक्ति दिएको भन्दै दलका नेता प्रकाशबहादुर शाहले स्पष्टीकरण सोधेपनि बोहराले दिएका छैनन् ।

शाहले बोहरालाई नसिहत पत्र पठाउँदै संसदीय दलको निर्णय अवज्ञा गर्ने र अनावश्यक भ्रम सिर्जना गर्ने कार्यमा संलग्न नहुन सचेत गराएका छन् । पुनः प्रदेशसभा दलको निर्णयको उल्लंघन गरेमा थप कारवाही हुने चेतावनी दिइएको छ ।

बोहराले गत बुधबार बसेको प्रदेशसभा संसदीय दलले स्थायी कमिटीको निर्देशन विपरीत निर्णय गरेको भन्दै त्यसलाई अस्वीकार गर्ने बताएका थिए ।

एमालेको स्थायी कमिटीले प्रदेश सरकारलाई दिएको समर्थन फिर्ता लिने निर्णय गरे पनि प्रदेश संसदीय दलले तत्काल कायमै राख्ने निर्णय गरेको थियो । सो निर्णय गरेको दुई दिनपछि मुख्यमन्त्री त्रिलोचन भट्टले एमालेका ३ मन्त्रीलाई राजीनामा दिन लगाएर एमालेकै ७ जना नयाँ मन्त्री नियुक्त गरेका थिए । जसमा ४ जना मन्त्री र ३ राज्यमन्त्री छन् ।

एमालेको प्रदेश कमिटीले सरकारमा सहभागी ७ मन्त्री, २ जना पूर्वमन्त्री र सचेतकलाई साधारण सदस्य समेत नरहने गरी निष्काशन गर्न स्थायी कमिटीलाई सिफारिस गरेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment