२१ जेठ, काठमाडौं । फिफा विश्वकप छनोटअन्तर्गत दक्षिण अमेरिकी छनोटका अर्जेन्टिना र चिलीले १-१ ले बराबरी खेलेका छन् ।
शुक्रबार बिहान सम्पन्न खेलमा अर्जेन्टिनाले पहिले अग्रता लिए पनि चिलीले बराबरी गोल फर्काएको हो ।
अर्जेन्टिनाको लागि खेलको २३औं मिनेटमा लिओनल मेस्सीले पेनाल्टीमा गोल गर्दै अर्गता दिलाएका थिए । तर ३६औं मिनेटमा चिलीका एलेक्सिस सान्चेजले बराबरी गोल पर्काए ।
बराबरीपछि दुवैले एक-एक अंक लिएका छन् ।
दक्षिण अमेरिकी छनोटमा कूल १० राष्ट्रले प्रतिस्पर्धा गरिरहेका छन् । अर्जेन्टिना ५ खेलबाट ११ अंकसहित दोस्रो स्थानमा छ । एक खेल कम खेलेको ब्राजिल १२ अंकसहित शीर्ष स्थानमा छ । यस्तै ५ खेलबाट ५ अंकसहित चिली छैटौं स्थानमा छ ।
यस्तै अर्को खेलमा उरुग्वे र पाराग्वेले गोलरहित बराबरी खेल्दै अंक बाँडेका छन् ।
बराबरीपछि ५ खेलबाट दुवैको ७-७ अंक छ । गोलअन्तरमा पाराग्वे चौथो र उरुग्वे पाँचौ स्थानमा छ ।
यस्तै कोलिभियाले भेनेजुएलालाई ३-१ ले पराजित गर्दै छनोटमा पहिलो जित हात पारेको छ । बोलिभिया ५ खेलबाट ४ अंक जोड्दै आठौं स्थानमा उक्लेको छ ।
