२ असार, काठमाडौं । गैर आवासीय नेपाली संघ (एनआरएनए) युएईले निलम्बन गरेका क्षेत्रीय अध्यक्ष र उपाध्यक्षको निलम्बन फुकुवा गरेको छ । एनआरएनए यूएईले क्षेत्री समन्वय परिषद् अध्यक्ष भीम मल र उपाध्यक्ष निराज खत्रीको निलम्बन फुकुवा गरेको हो ।
संस्थाको हित विपरित काम गरेको हुनसक्ने भन्दै केही महिना पहिले क्षेत्रीय अध्यक्ष र उपाध्यक्षलाई निलम्बन गरिएको थियो । अनुसन्धानका क्रममा संघलाई हानी हुने कार्य गरेको पुष्टि नभएको भन्दै सोही पदमा पुनर्वहाली गरिएको एनआरएन राष्ट्रिय समन्वय परिषद् युएईले जनाएको छ ।
परिषद्का कार्यबाहक अध्यक्ष निरञ्जन सिल्वाल र महासचिव निश्चल दाहालले विज्ञप्ति जारी गर्दै निलम्बन फुकुवा भएको जानकारी दिएका छन् ।
