९ असार, काठमाडौं । अफगानिस्तानको पूर्वी प्रान्त कुनारस्थित एक अस्पतालमा रकेट आक्रमण भएको छ ।
अफगानिस्तानको सरकारी अधिकारीका अनुसार उक्त आक्रमणमा चरमपन्थी संगठन तालिबानको हात रहेको हुन सक्ने अनुमान गरिएको छ ।
रकेट आक्रमणको कारण अस्पतालमा आगलागी भएको छ । आगलागीको कारण ठूलो क्षति भएको र कोरोना भाइरस (कोभिड–१९) विरुद्धको खोपलागतयका महत्वपूर्ण स्वास्थ्य सामग्री जलेर नष्ट भएका छन् ।
त्यस्तै उत्तरी अफगानिस्तानको शिर खान बन्दर गाउँलाई आक्रमणकारीले आफ्नो कब्जामा लिएको छ ।
यो गाउँ ताजकिस्तानको सीमा क्षेत्रको सुख्खा बन्दरगाह हो । तालिबानले कब्जा गरेसँगै त्यहाँ कार्यरत सरकारी अधिकारी र सुरक्षाकर्मीहरु सीमा क्षेत्रबाट भागेका छन् ।
पछिल्लो केही सातायता अफगानिस्तानमा सरकारी सेना र तालिबानबीचको युद्ध बढेको छ ।
तालिबानले अफगानिस्तानमा आफ्नो नियन्त्रण पनि बढाइरहेको छ । अमेरिकी सेनाले अफगानिस्तान छाड्ने तरखर गरेसँगै अफगानिस्तानमा तालिबानले सरकारमाथिको आक्रमण तीव्र पारेको हो ।
तालिबानका प्रवक्ताले भने अस्पतालमा भएको आक्रमणमा संगठनको हात नरहेको दाबी गरेका छन् ।
एजेन्सीहरुको सहयोगमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4