News Summary
Generated by OK AI. Editorially reviewed.- संयुक्त राष्ट्रसङ्घको प्रतिवेदनले सन् २००९ यता अफगानिस्तानको सशस्त्र द्वन्द्वमा कम्तीमा ४० हजार सर्वसाधारण मारिएका र ७७ हजारभन्दा बढी घाइते भएका जनाएको छ।
- युनामाले मङ्गलबार सार्वजनिक गरेको प्रतिवेदन १९५ पीडित र उनीहरूका परिवारसँगको अन्तर्वार्ता, २३ गैरसरकारी संस्था र २३ तालिबान अधिकारीसँगको परामर्शमा आधारित छ।
- प्रतिवेदनमा अन्तर्वार्ता लिएकामध्ये ९५ प्रतिशतले अवसाद र चिन्ताजस्ता समस्या भोगेको बताएका छन् भने पीडितले आर्थिक क्षतिपूर्ति, न्यायमा पहुँच र पुनःउल्लङ्घन रोकथामलाई प्राथमिकता दिएका छन्।
१६ भदौ, काबुल (रासस/सिन्ह्वा) । संयुक्त राष्ट्रसङ्घको नयाँ प्रतिवेदनले अफगानिस्तानमा एक दशकभन्दा लामो समयसम्म जारी सशस्त्र द्वन्द्वका कारण भएको ठूलो मानवीय क्षति उजागर गरेको छ।
प्रतिवेदनअनुसार सन् २००९ को जनवरीदेखि २०२१ को अगस्ट मध्यसम्म कम्तीमा ४० हजार सर्वसाधारणको मृत्यु भएको छ भने ७७ हजारभन्दा बढी घाइते भएका छन्।
संयुक्त राष्ट्रसङ्घीय अफगानिस्तान सहायता मिसन (युनामा)ले मङ्गलबार सार्वजनिक गरेको विस्तृत प्रतिवेदनमा द्वन्द्वबाट प्रभावित १९५ जना व्यक्ति र उनीहरूका परिवारसँग गरिएको अन्तर्वार्ताबाट प्राप्त विवरण समेटिएको छ। साथै, हिंसापीडितलाई सेवा प्रदान गरिरहेका २३ राष्ट्रिय तथा अन्तरराष्ट्रिय गैरसरकारी संस्था र २३ तालिबान अधिकारीसँग गरिएको परामर्श तथा संवादलाई पनि प्रतिवेदनको आधार बनाइएको छ।
प्रतिवेदनअनुसार अन्तर्वार्ता लिइएका ९५ प्रतिशत व्यक्तिले द्वन्द्वका कारण अवसाद, चिन्ता, घटनाको बारम्बार सम्झना आउनेलगायत मनोवैज्ञानिक तथा भावनात्मक समस्या भोगेको बताएका छन्। त्यस्तै, ५८ प्रतिशतले सशस्त्र द्वन्द्वका कारण शारीरिक क्षति बेहोरेको बताएका छन्।
आफ्ना प्राथमिक आवश्यकताबारे सोध्दा ८१ प्रतिशत पीडितले आर्थिक क्षतिपूर्ति, ४८ प्रतिशतले न्यायमा पहुँच तथा ४७ प्रतिशतले मानवअधिकार उल्लङ्नका घटना पुनः हुन नदिन आवश्यक उपायलाई प्राथमिकतामा राखेको प्रतिवेदनमा उल्लेख छ।
प्रतिवेदनले द्वन्द्वमा सङ्लग्न तथा जिम्मेवार सबै पक्षलाई जवाफदेहिताका प्रयासमा सहयोग गर्न र पीडितका अधिकार तथा आवश्यकतालाई सम्बोधन गर्ने उपायमा योगदान गर्न आग्रह गरेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4