१५ असार, पोखरा । पोखरामा मंगलबार जातीय विभेदविरुद्ध प्रदर्शन भएको छ ।
काठमाडौंमा रुपा सुनारले जातीय विभेदका कारण डेरा नपाएको र शिक्षामन्त्रीले जातीय विभेदको आरोप लागेको घरबेटीको संरक्षण गरेको विरोधमा अधिकारकर्मीले प्रदर्शन गरेका हुन् । उनीहरुले शिक्षा, विज्ञान तथा प्रविधिमन्त्री कृष्णगोपाल श्रेष्ठको पुत्ला पनि जलाएका छन् ।
जातीय मुक्ति मोर्चाको आह्वानमा भएको विरोध प्रदर्शनपछि युवाहरुले नाराबाजी गर्दै शिक्षामन्त्रीको पुत्ला दहन गरेका थिए। सोही क्रममा प्रहरीले धरपकड गर्दै ३ जना गिरफ्तार गरेको छ । पक्राउ पर्नेमा किरण नेपाली, रेशम सापकोटा, नेत्र चापागाइँ छन् ।
