२७ असार, काठमाडौं । नेपाल-भारत रेल सेवा सम्झौता संशोधनको नेपाल चेम्वर अफ कमर्सले स्वागत गरेको छ । रेल सेवा सम्झौताबारे आइतबार एक विज्ञप्ति जारी गर्दै चेम्बरले रेल सेवा संशोधन व्यापार तथा पारवहनमा कोशेढुंगा हुने जनाएको छ ।
रेल सेवा सम्झौता संशोधनले नेपालको वैदेशिक व्यापारमा ठूलो सघाउ पुग्ने चेम्वरका अध्यक्ष राजेन्द्र मल्लको भनाई छ । सम्झौताले पारवहन लागतमा कमी हुन गई नेपाली उत्पादनका माल वस्तुहरु प्रतिस्पर्धी हुने उनले बताए ।
दुई देशबीचको समझादारीले वैदेशिक व्यापार सन्तुलनमा टेवा पुग्ने चेम्बरको विश्वास छ ।
