११ साउन, काठमाडौं । भारतले पहिलो टी-२० मा घरेलु टोली श्रीलंकालाई पराजित गर्दै तीन खेलको सिरिजमा अग्रता बनाएको छ । कोलम्बोमा आइतबार भएको खेलमा भारतले श्रीलंकालाई ३८ रनले पराजित गरेको हो ।
भारतले दिएको १६५ रनको लक्ष्य पछ्याएको श्रीलंकाले १८.३ ओभरमा सबै विकेट गुमाएर १२६ रन मात्र बनाउन सक्यो ।
श्रीलंकाका लागि चारिथ असलंकाले ४४ रन बनाए । अभिष्का फर्नान्डोले २६ र दसुन शनकाले १६ रन बनाए।
घरेलु टोलीलाई अफआउट गर्न भारतका लागि भुवनेश्वर कुमारले सर्वाधिक ४ विकेट लिए । यस्तै दिपक चाहरले २ विकेट लिए ।
त्यसअघि पहिले ब्याटिङ गरेको भारतले २० ओभरमा ५ विकेट गुमाएर १६४ रन बनाएको थियो । भारतका लागि सूर्यकुमार यादवले ५० रन बनाए । कप्तान शिखर धवनले ४६ र सन्जु सामसनले २७ रन जोडे । इशान किशनले २० रनमा अविजित रहे ।
श्रीलंकाका दुश्मन्था चामिरा र वानिन्दु हसरंगाले २/२ विकेट लिए ।
यस जितपछि भारतले तीन खेलको सिरिजमा १-० को अग्रता बनाएको छ ।
