एलन मस्कको स्याटेलाइटले अन्तरिक्षमा खतरा, हप्तामै १६ सय पटक ठक्कर खाने जोखिम

विश्वभर तीव्र गतिको इन्टरनेट पुर्‍याउनका लागि एलन मस्कको इन्टरनेट कम्पनी स्पेस एक्सले अन्तरिक्षमा १२ हजार स्टारलिंक स्याटेलाइट प्रक्षेपण गर्ने योजना बनाएको छ । त्यसमध्ये १५ सय स्याटेलाइट त प्रक्षेपण भैसकेका छन् ।

तर अन्रीक्षमा यति ठूलो संख्यामा स्याटेलाइटले पृथ्वीको परिक्रमा गर्नुको खराब नतिजा के हुनसक्दछ भन्ने सुरुआती झलक देखा परिसकेको छ ।
एक अध्ययन अनुसार अन्तरिक्षमा दुईवटा स्याटेलाइटजन्य वस्तुहरु आमने सामने हुने वा ठक्कर खाने घटनामध्ये आधाजसोमा स्पेस एक्सका स्याटेलाइट नै संलग्न हुने गरेका छन् ।

स्याटेलाइट अपरेटरहरुले अन्तरिक्षमा रहेका आफ्ना स्याटेलाइटहरु अन्य अन्तरिक्षयान तथा त्यसका टुक्राहरुसँग ठक्कर नखाउन् भनेर लगातार त्यसको निगरानी गरिरहनु पर्दछ ।

साउथह्याम्पटन विश्वविद्यालयको एक अध्ययन अनुसार सयौँ स्टारलिंक स्याटेलाइटहरु पृथ्वीको कक्षमा छन्, जसले अन्य स्याटेलाइट वा अन्तरिक्ष फोहोरका टुक्राहरुसँग ठक्कर खाने आशंका बढ्दछ ।

शोधकर्ताहरुका अनुसार हरेक हप्ता औसतमा १६ सय यस्ता घटनामा स्टारलिंकका स्याटेलाइट नै संलग्न हुने गरेका छन् । कतिपय अवस्थामा छ यी स्याटेलाइट अन्यसँग मात्र १ किलोमिटरको दूरीमा आउँछन् ।

स्पेस डटकम को रिपोर्ट अनुसार दुईवटा अन्तरिक्षयान ठक्कर खाँदा यतिधेरै टुक्राटाक्री निस्किन्छन् कि त्यसले आसपासका अन्य स्याटेलाइटलाई पनि खतरा पैदा हुन सक्दछ ।

एस्ट्रोनटिक्स रिसर्च ग्रुपका ह्यू लुइसले यस विषयमा तथ्यांक विश्लेषण गरेका छन् । उनका अनुसार स्टारलिंक प्रक्षेपणसँगै खतरनाक प्रवृत्ति देखिइरहेको छ । सन् २०१९ को मे देखि उनले विश्लेषण सुरु गरेकामा घटनाहरु दोब्बरले बढेको पाइएको छ ।

तथ्यांक अनुसार स्टारलिंक स्याटेलाइट हरेक हप्ता औसतमा ५०० पटक अन्य स्याटेलाइट, यान वा वस्तुको निकै नजिक आउने गरेका छन् । त्यस्तै बेलायतको Oneweb  का २५० टा स्याटेलाइट पनि यसैगरी नजिकिने गरेका छन् । स्टारलिंक स्याटेलाइटको संख्या बढेसँगै यो समस्या गहिरिएको उनको भनाइ छ ।

एजेन्सी