+
+

नेपाल र पपुवा न्युगिनीबीचको खेल एक्सन स्पोर्ट्सबाट प्रत्यक्ष प्रसारण हुने

अनलाइनखबर अनलाइनखबर
२०७८ भदौ १६ गते ६:५०

१६ भदौ, काठमाडौं ।नेपाल र पपुवा न्युगिनी (पीएनजी) बीच हुने दुई वटा एकदिवसीय अन्तर्राष्ट्रिय क्रिकेट खेल प्रत्यक्ष प्रसारण हुने भएको छ ।

प्रत्यक्ष प्रशारणका लागि नेपाल क्रिकेट संघ (क्यान) ले मंगलबार डिश मिडिया नेकवर्कसँग सम्झौतामा गरेको हो । क्यानका कोषाध्यक्ष रोशन सिंह र डिस होमका प्रबन्ध निर्देशक सुदीप आचार्यले सम्झौता पत्रमा हस्ताक्षर गरे ।

सम्झौतापछि यही भदौ २० र २३ गते हुने दुवै खेलको एक्सन स्पोर्ट्सले प्रत्यक्ष प्रसारण हुनेछ ।यस्तै डिस होम गो ओटिटि एफमार्फत पनि प्रत्यक्ष प्रसारण हुने क्यानले जनाएको छ ।

विश्वकप लिग २ सिरिजका लागि हाल ओमानमा रहेको नेपाली टोलीले पीएनजीसँग ओमानमै खेल्न लागेको हो । पहिलो खेल दिनमा खेलाइनेछ भने दोस्रो खेल दिन र रातमा हुनेछ ।

नेपालले पहिलो पटक दिन र रातमा ओडिआई क्रिकेट खेल्न लागेको हो ।

नेपाल,ओमान र अमेरिका सम्मितिलि लिग २ को त्रिकोणात्मक सिरिज भने सेप्टेम्बर १३ देखि २० सम्म अर्थात भदौ २८ देखि असोज ४ गतेसम्म ओमानमै हुनेछ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?