+
+

नेपालका प्रशिक्षक भन्छन्- भारत विरुद्धको दुवै खेल जित्न चाहन्छौं

अनलाइनखबर अनलाइनखबर
२०७८ भदौ १६ गते १२:५४

१६ भदौ, काठमाडौं । नेपालको राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले भारतसँग हुने दुवै खेल जित्नैपर्ने बताएका छन् । साफ च्याम्पियन्स लिगको तयारीमा रहेका नेपाल र भारतबीच भदौ १७ र २० गते मैत्रीपूर्ण खेल हुनेछ ।

त्यसको अघिल्लो दिन बुधबार आयोजित पत्रकार सम्मेलनमा मुख्य प्रशिक्षक अल्मुताइरीले दुवै खेल हार्नुको अर्थ हामीले साफ हार्छौं भन्ने नभएको बताए । उनले अघि भने, ‘तर हामीले दुवै खेल जित्नैपर्छ । फिफा र्‍याङ्किङका लागि जित्न जरुरी छ ।’

यो दुई खेल जित्न सक्ने हो भने नेपालको र्‍याङ्किङ ७/१० स्थान माथि जानसक्ने उनले बताए ।

नेपालविरुद्ध खेल्न भारतलाई जति कठिन छ, नेपाललाई पनि जित्न त्यही नै कठिन भएको उनले बताए । विगतको रेकर्ड पनि भारतको पक्षमा रहेको उल्लेख गर्दै प्रशिक्षक अल्मुताइरीले भने, ‘तर हामी पनि नयाँ गोर्खाली हौं, इतिहास र विपक्षी नहेरी रिजल्टका लागि खेल्छौं ।’

कप्तान किरण चेम्जोङले पनि भारतविरुद्ध खेल्न सहज नहुने बताए । तर दुई महिनादेखि आफूहरुले तयारी गरेको भन्दै उनले भने, ‘शारीरिक रुपमा मात्र होइन, मानसिक रुपमा पनि हामी बलियो छौं ।’

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment