बेलायतमा अभिनयमै व्यस्त ध्रुव दत्त

सुरेशराज पाठक, मधुसुदन थापा मगर र ममता गुरुङको स्वरमा समावेश ‘हामी नेपाली हामी गोर्खाली’ बोलको गीत सार्वजनिक भएको छ । कल्पना आंगबुहागंको शब्द रहेको यो गीतमा अशोक कुमार राइको संगीत छ ।

बेलायतमा छायांकन गरिएको भिडियोलाई नेपाल चलचित्र कलाकार संघ, यूकेले प्रस्तुत गरेको हो । भिडियोमा रोमियन लिम्बु, ध्रुव दत्त, सिर्जना निलेगंखु, आस्था जोशी, दीपक मैथाने लगायतका कलाकारको अभिनय छ ।

दिलु थापाको कोरियोग्राफीमा तयार भएको भिडियोमा नविन निरौलाको कलर, कुशल श्रेष्ठको छायांकन तथा सम्पादन, सन्त कुमार राइको निर्देशन, सुमन पुनको लगानी छ ।