बीपी कोइरालाको नाममा राष्ट्रिय पुरस्कार स्थापना

२१ भदौ, काठमाडौं । सरकारले पहिलो जननिर्वाचित प्रधानमन्त्री बीपी कोइरालाको नाममा राष्ट्रिय पुरस्कार घोषणा गरेको छ ।

सोमबार बसेको मन्त्रिपरिषद बैठकले कोइरालाको नाममा पुरस्कार स्थापना गरेको कानुन न्याय तथा संसदीय मामिलामन्त्री ज्ञानेन्द्रबहादुर कार्कीले जानकारी दिए ।

यो पुरस्कार कस्ता व्यक्तिले पाउने र पुरस्कारको राशी कति हुने भन्नेबारे सरकारले खुलाएको छैन ।