Comments Add Comment

बेलायतमा इन्धन संकट चर्किँदै, पेट्रोलपम्पमै कुटाकुट

१० असोज, काठमाडौं । केही दिनदेखि बेलायतभर पेट्रोल र डिजेल आपूर्तिमा संकट देखिएको छ । चालकको अभावले गर्दा पेट्रोल आपूर्तिमा संकट देखिन थालेको हो ।

क्रिसमस आउन केही महिना मात्रै बाँकी रहेको बेला इन्धन संकट देखिन थालेपछि पेट्रोल पम्ममा उपभोक्ताहरूको भीड लाग्न थालेको छ ।

अप्रत्यासित भीडभाड हुन थालेसँगै संकट व्यवस्थापनका लागि बेलायत सरकारले प्रयास गरिरहेको छ । प्रधानमन्त्री बोरिस जोनसनले सामान ढुवानी गर्ने ठूला सवारीसाधनका चालकको तलब बढाउन सम्बन्धित निकायलाई अनुरोध गरेका छन् ।

जोनसनले एचजिभीका मालिकसँग यस्तो आग्रह गरेको बेलायती समाचार माध्यमले जनाएका छन् । त्यस्तै, सरकारी अधिकारीहरूले अवकाशप्राप्त ४० हजार चालकहरूलाई पुन: काममा फर्किन आग्रह गरेका छन् ।

अन्य मुलुकबाट समेत चालक ल्याउने गरी आप्रवासन नियम खुकुलो बनाउने तयारी समेत भइरहेको समाचारमा उल्लेख छ । आपूर्ति चक्रमा देखिएको संकट समाधानका लागि १० हजार विदेशीलाई तत्काल भिसा दिने तयारी गरिएको छ । यातायात मन्त्री ग्रान्ट शाप्सले आगामी महिनादेखि विदेशीलाई भिसा दिन सुरु गरिने बताएका छन् ।

ढुवानी क्षेत्रमा झण्डै ९० हजार चालकको अभाव भएकाले क्रिसमसको समयमा इन्धन आपूर्ति अवरुद्ध हुन सक्ने चेतावनी बिक्रेताहरूले दिएका छन् । यस्तो अवस्था आउनबाट रोक्न सरकारसँग केबल १० दिन मात्रै बाँकी रहेको भन्दै उनीहरूले यस्तो चेतावनी दिएका हुन् ।

Some had multiple jerry cans in the boot of their cars and spent time filling each up while others queued for hours to reach the pump. Pictured: Customers queuing in their cars to access an Asda petrol station in east London on Saturday

आपूर्ति चक्रमा देखिएको भद्रगोलबीच निराश बन्दै गएका चालकले सडक अवरुद्ध गर्न थालेपछि बिक्रेताहरूले सरकारलाई सचेत गराएको समाचारमा उल्लेख छ ।

झण्डै १०० वटा पेट्रोल पम्प खाली भएसँगै सरकारले मानिसहरूलाई नआत्तिन आग्रह गरिसकेको छ तर मानिसहरूले इन्धन भर्नका लागि तँछाडमछाड गरिरहेका छन् । यसैबीच आक्रोशित मानिसबीच सिडलशामस्थित एक पेट्रोल पम्पमा हानाहान भएको फुटेज बाहिर आएको छ ।

सिकेस्टारस्थित पेट्रोल पम्पअगाडि पेट्रोल लिन आएका मानिसबीच मुक्का र लात्ती हानाहान गरेको फुटेजमा देख्न सकिन्छ। दुई जनाले पहिला घम्साघम्सी गरेको र पछि मुक्का हानाहान गरेका छन् । यसै क्रममा अर्का एकजनाले उडेर लात्ती हानेको देख्न सकिन्छ ।

उक्त घटनामा एक बाबु-छोराले अर्का एकजना बाबु-छोरासँग हानाहान गरेको समाचारमा उल्लेख छ। के कारणले उक्त घटना भएको थियो भन्ने प्रस्ट भइसकेको छैन । तर उनीहरूले आपसमा जाइलाग्दा अन्य मानिसले ‘कत्ति पनि डिजेल छैन रे ‘ भनेर होहल्ला गरेको सुन्न सकिन्छ ।

एजेन्सीको सहयोगमा

यो खबर पढेर तपाईलाई कस्तो महसुस भयो ?

ट्रेन्डिङ

Advertisment