कांग्रेस महामन्त्री खड्कालाई कोरोना संक्रमण

१० असोज, काठमाडौं । नेपाली कांग्रेसका महामन्त्री पूर्णबहादुर खड्कालाई कोरोना संक्रमण पुष्टि भएको छ ।

आइतबार गरिएको एन्टिजेन र पीसीआर परीक्षणमा आफूमा कोरोना पोजेटिभ पुष्टि भएको सामाजिक सञ्जाल ट्वीटरमार्फत खड्काले जानकारी दिएका छन् ।

महामन्त्री खड्कामा असोज ८ गते ४ बजेदेखि ज्वरो, खोकी लगायतका स्वास्थ्य समस्या देखिएको थियो ।

धेरै सतर्कताका बाबुजुद पनि आफूलाई कोरोना संक्रमण भएको भन्दै महामन्त्री खड्काले आफ्नो क्लोज कन्ट्याकमा रहेका व्यक्तिहरुलाई सचेत रहन आग्रह समेत गरेका छन् ।

८ गते ४ बजे देखि ज्वराे खाेकि सुरु भएकाे , अाज १० गते एन्टिजिन र PCR परिक्षण गराउँदा दुबैमा पाेजेटिभ।
धेरै सतर्कताका बाबजुद अन्ततः काेभिडले घेरि छाेड्याे ।
८ गते ४ बजे सम्म मेराे सम्पर्कमा रहनु भएका सबैमा सतर्कताकाे लागि अनुराेध🙏 pic.twitter.com/FcnYQEYBHa

— Purna Bahadur Khadka (@NCPurnaKhadka) September 26, 2021