प्रधानन्यायाधीश जबराले भने- मन्त्रिपरिषदमा मैले भाग खोजेको कुरा सत्य होइन

१८ असोज, काठमाडौं । प्रधानन्यायाधीश चोलेन्द्र शमसेर जबराले मन्त्रिपरिषदमा आफ्नो भागबाट पनि एक जना मन्त्री बन्न लागेको भन्ने समाचार सत्य नभएको बताएका छन् ।

सर्वोच्च बार एसोसिएसनका पदाधिकारीहरुसँग आज बिहान भएको भेटमा प्रधानन्याधीश जबराले सो कुरा सत्य नभएको भन्दै त्यसको खण्डन गर्ने बताए ।

प्रधानन्यायाधीश जबराले त्यसलाई ‘जोक’ भएको बताए ।

भेटमा सहभागी एक सदस्यले मन्त्रालय भागबन्डाबारे प्रधानन्यायाधीशलाई समेत जोडेर आएका समाचारहरुबारे सोधिएको र त्यसबारे विज्ञप्तिमार्फत् स्पष्ट पार्ने बताएको जानकारी दिए ।