बालबालिकाको सहयोगका लागि ब्लिंक नाउसँग रोह्तो मेन्थोलाटम नेपालको सहकार्य

काठमाडौं । रोह्तो मेन्थोलाटम नेपाल र ब्लिंक नाउ फाउण्डेसनबीच आर्थिक अवस्था कमजोर भएका बालबालिकाहरुलाई सहयोग गर्ने उद्देश्यले साझेदारी भएको छ।

सुर्खेतको ब्लिंक नाउ बालबालिकाहरुको संरक्षण र समग्र विकासका लागि काम गरिरहेको गैरनाफामुखी संस्था र नाउबीचको साझेदारीले आर्थिक स्थिति कमजोर रहेका बालबालिकाहरुको समग्र व्यक्तित्व विकासमा योगदान पुग्ने रोथो नेपालको विश्वास छ।

ब्लिंक नाउले लामो समयदेखि कोपिला भ्याली स्कूलको भोजन र पोषण कार्यक्रम सहयोग गर्दै आइरहेको छ । हाल कोपिला भ्याली स्कूलमा ४०० बालबालिका अध्ययनरत छन् । त्यसमध्ये करिब ४० जना बालबालिका ‘चिल्ड्रेन्स होम’ मा बस्दै आएका छन् । यसैगरी १० बालिकाहरुलाई बिग सिस्टर्स होममा राखिएको छ।

ब्लिंक नाउले कोपिलामा रहेका बालबालिकालाई निःशुल्क शिक्षा, शैक्षिक सामग्री, पौष्टिक खाना, र उचित स्वास्थ्य सेवा दिन सहयोग गर्दै आएको छ। रोह्तो नेपालको सहयोगबाट ब्लिंक नाउद्वारा सञ्चालित कोपिला भ्याली स्कूलका बालबालिकाका लागि पौष्टिक भोजन प्रदान गरिने बताइएको छ।