८ कात्तिक, गोरखा । अवैध रुपमा ओसारपोसार गर्न लागिएको सालको काठ प्रहरीले बरामद गरेको छ ।
गोरखा नगरपालिका-९ लुदीखोलास्थित पुन्चे सामुदायिक वनभित्र झाडीमा लुकाइ राखेको १२ गोलिया सालको काठ बरामद गरिएको प्रहरीले जनाएको छ ।
‘अवैध रुपमा सालको काठ ओसार पसार भइरहेको भन्ने गोप्य सूचना हामीले पाएपछि अस्थायी प्रहरी पोष्ट लक्ष्मीबजारबाट टोली खटायौ,’ प्रहरी निरिक्षक हिमनाथ घिमिरेले भने, ‘वन भित्र झाडीमा लुकाइ राखेको अवस्थामा १२ गोलिया काठ फेला पार्यौ ।’
काठ ओसार पसारमा संलग्नहरु भने फेला नपरेको र खोजी कार्य भइरहेको उनले जानकारी दिए । बरामद गरिएको काठ आवश्यक कारवाही र अनुसन्धानका लागी डिभिजन वन कार्यालय पठाइएको प्रहरी कार्यालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4