लागुऔषधसहित दुई भारतीय नागरिक पक्राउ

११ कात्तिक, मकवानपुर। जिल्ला प्रहरी कार्यालय मकवानपुरले लागुऔषध डाइजेपाम, फेनार्गन र नुफिनसहित दुईजना भारतीय नागरिकलाई पक्राउ गरेको छ ।

पक्राउ पर्नेमा भारत बिहार पुर्वी चम्पारण जिल्ला मोतीहारी ग्राम आदापुर-२का २२ वर्षीय सद्दाम अन्सारी र सोहरी जिल्ला मोतीहारी ग्राम सिसवा सौनाहा -२ का १८ वर्षीय रोहान आलम रहेका छन् ।

ईलाका प्रहरी कार्यालय मनहरीबाट खटिएको प्रहरी टोलीले बिहीबार विहान ४: बजे चेकजाँचका क्रममा उनीहरुलाई पक्राउ गरेको हो।

उनीहरुको साथबाट प्रहरीले लुकाई छिपाई ल्याएको लागुऔषध डाईजेपाम ३०० एम्पुल ,फेनार्गन ३०६ एम्पुल र नुफिन ३४० एम्पुल बरामद गरेको छ ।

पक्राउ परेका उनीहरुमाथि थप अनुसन्धान भइरहेको जिल्ला प्रहरी कार्यालय मकवानपुरका प्रहरी नायव उपरीक्षक (डीएसपी) जयश्वर रिमालले जानकारी दिए ।