बैंकहरुले घटाए खराब कर्जा, कुन बैंकको कति ?

२४ कात्तिक, काठमाडौं । चालु आर्थिक वर्ष २०७८/७९ को पहिलो त्रैमासमा बैंकहरुले खराब कर्जा अनुपात घटाएका छन् । अघिल्लो आर्थिक वर्षको पहिलो त्रैमासको तुलनामा चालु आर्थिक वर्षको पहिलो त्रैमासमा निष्क्रिय कर्जा औसतमा ०.४३ प्रतिशतले घटेको छ ।

गत आर्थिक वर्षको पहिलो त्रैमासमा २७ वाणिज्य बैंकहरुको निष्क्रिय कर्जा अनुपात १.५९८ प्रतिशत थियो । गत आर्थिक वर्षको अन्त्य अर्थात ३ महिना अघिमात्रै पनि निष्क्रिय कर्जा अनुपात १.३१५ प्रतिशत रहेकोमा असोज मसान्तसम्म यो घटेर १.१६९ प्रतिशतमा झरेको छ ।

निष्क्रिय कर्जा सबैभन्दा कम सानिमा बैंकको देखिएको छ भने सबैभन्दा धेरै सरकारी स्वामित्वको राष्ट्रिय बैंकको देखिएको छ । यद्यपि यी दुवै बैंकले निष्क्रिय कर्जा घटाएका छन् । पहिलो त्रैमासमा सानिमाको निष्क्रिय कर्जा अनुपात ०.११ प्रतिशत देखिएको छ । अघिल्लो वर्षको पहिलो त्रैमासमा सानिमाको ०.४४ प्रतिशत थियो ।

निष्क्रिय कर्जा कम हुने दोस्रो नम्बरमा एभरेष्ट बैंक र तेस्रो नम्बरमा नेपाल एसबीआई बैंक देखिएको छ । एभरेष्टको निष्क्रिय कर्जा ०.२२ प्रतिशतबाट घटेर ०.१३ प्रतिशतमा झरेको छ भने नेपाल एसबीआईको ०.२५ प्रतिशतबाट ०.१७ प्रतिशतमा झरेको छ ।

हेर्नुस् कुन बैंकको कति :