+
+

प्रदेश-१ सरकारको मुख्य न्यायाधिवक्तामा भोजराज श्रेष्ठ नियुक्त

अनलाइनखबर अनलाइनखबर
२०७८ मंसिर १४ गते १६:१४

१४ मंसिर, विराटनगर । प्रदेश १ सरकारले मुख्य न्यायाधिवक्तामा अधिवक्ता भोजराज श्रेष्ठलाई नियुक्त गरेको छ ।

मुख्यमन्त्री राजेन्द्र राईले नेकपा (एकीकृत समाजवादी) निकट बुद्धिजीवी परिषद् मोरङ अध्यक्ष रहेका अधिवक्ता श्रेष्ठलाई मुख्य न्यायधिवक्ता नियुक्त गरेका हुन् ।

नियुक्तिपछि प्रदेश प्रमुखको कार्यालयमा उच्च अदालत विराटनगरका मुख्यन्यायाधीश तिलप्रसाद श्रेष्ठले मुख्य न्यायाधिवक्तामा श्रेष्ठलाई पद तथा गोपनीयताको शपथग्रहण गराए ।

प्रदेश १ का पहिलो मुख्यमन्त्री शेरधन राई नेतृत्वको सरकारले चुणामणि आचार्यलाई मुख्य न्यायाधिवक्ताको जिम्मेवारी दिएको थियो ।

सरकार परिवर्तन भएपछि आचार्यले कात्तिक १७ मा राजीनामा दिएका थिए। श्रेष्ठले सोमबार कार्यभार सम्हालेका थिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?