+
+

‘बाबरी’मा दुई धिरजसँग अदिती

अनलाइनखबर अनलाइनखबर
२०७८ मंसिर २२ गते ११:१८

२२ मंसिर, काठमाडौं । नायिका अदिती बुढाथोकीको होम प्रोडक्सनमा निर्माण भएको चलचित्र ‘बाबरी’को छायांकन केही दिन अगाडि सकिएको छ । चलचित्रको छायांकन सकिएपछि यसका कलाकार सिक्किम घुमघाममा व्यस्त छन् ।

सुरेन्द्र पौडेलद्वारा निर्देशित यो चलचित्रमा अदितीको साथमा नायकद्वय  धिरज मगर र धिरज टोट्लानीको अभिनय छ ।

चलचित्रको छायांकन अवधिभर निर्माणपक्षले अदिती र दुई धिरजको तस्वीर एकसाथ सार्वजनिक गरेको थिएन । तर, नायिका बुढाथोकीले छायांकन सकिएपछि भने दुई धिरजसँगको तस्वीर शेयर गर्दै खुशी साटेकी छन् ।

उनले चलचित्रको छायांकनको अवधि निक्कै रमाइलो र यादगार रहेको उल्लेख गरेकी छन् । धिरज टोट्लानी अभिनय तृप्ती नाडकरका छोरा हुन् । उनी यही चलचित्रबाट नेपाली रजतपटमा प्रवेश गर्दैछन् ।

चलचित्र ‘बाबरी’ले त्रिकोणात्मक प्रेमकथालाई भन्नेछ । चलचित्रको प्रदर्शन मिति भने तय गरिएको छैन ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment