मूलपानीमा निःशुल्क आँखा शिविर सञ्चालन

२ पुस, काठमाडौं । रोटरी क्लब बानेश्वरले काठमाडौंको मूलपानीस्थित आनन्द भैरव माविमा एकदिने निःशुल्क आँखा शिविर सञ्चालन गरेको छ ।

माट्रकिा आई केयर सेन्टरको सहयोगमा भएको उक्त आँखा शिविरमा मूलपानी क्षेत्रका बासिन्दा तथा विद्यार्थी गरी ३६० जनाको आँखा जाँच गरिएको क्लबले जनाएको छ ।

आँखा जाँच गरिएकामध्ये ३७ जनामा मोतीबिन्दुको समस्या देखिएको थियो । उनीहरुको निःशुल्क शल्यक्रिया समेत गरिएको छ । यस्तै आँखामा समस्या देखिएका एक सय जनालाई थप उपचारका लागि अस्पताल जान सुझाइएको क्लबले जनाएको छ ।