विपन्न परिवारका वृद्धवृद्धा र बालबालिकालाई न्यानो कपडा

२८ पुस, सर्लाही । नेकपा एकीकृत समाजवादी निकट अनेरास्ववीयूले सर्लाहीका विपन्न परिवारका वृद्धवृद्धा र बालबालिकालाई न्यानो कपडा वितरण गरेको छ ।

सर्लाहीको चन्द्रपुर गाउँपालिका र हरिवन नगरपालिकाका मुसहर, चमार र दनुवार बस्तीमा न्यानो कपडा वितरण गरिएको अनेरास्वीयू उपत्यका विशेष प्रदेश कमिटीका संयोजक प्रदीप थापाले बताए ।

उनका अनुसार, अनेरास्ववीयूका महासचिव आरती लामा नेतृत्वको टोलीले चन्द्रपुर मुसहर बस्तीका २०० र हरिवन-३ का चमार र दनुवार बस्तीमा ३०० जनालाई न्यानो कपडा वितरण गरिएको छ ।

शीतलहर र चिसोबाट विपन्न परिवारका वृद्धवृद्धा र बालबालिका जोगाउन न्यानो कपडा वितरण गरिएको थापाले बताए ।