चेल्सीलाई हराउँदै सिटीले बनायो १३ अंकको अग्रता

२ माघ, काठमाडौं । लिग लिडर म्यानचेष्टर सिटीले प्रिमियर लिगमा शनिबार दोस्रो स्थानको चेल्सीलाई १-० ले हराएको छ ।

घरेलु मैदान एतिहाड स्टेडियममा भएको खेलमा सिटीलाई जित दिलाउन केभिन डे ब्रुएनाले दोस्रो हाफमा निर्णायक गोल गरे । उनले ७०औं मिनेटमा जाओ कान्सेलोको पासमा गोल गरेका थिए ।

यो जितपछि सिटीले चेल्सीमाथि नै १३ अंकको अग्रता बनाउँदै उपाधि होडलाई बलियो बनाएको छ ।

२२ खेलबाट सिटीको ५६ अंक भएको छ । समान खेलबाट चेल्सीको ४६ अंक छ । २ खेल कम खेलेको लिभरपुल ४२ अंकसहित तेस्रो स्थानमा छ ।