+
+

सुदूरपश्चिममा थप ४७७ जनामा कोरोना संक्रमण

अनलाइनखबर अनलाइनखबर
२०७८ माघ ५ गते १८:३०

५ माघ, धनगढी । सुदूरपश्चिम प्रदेशमा थप ४७७ जनामा कोरोना भाइरसको संक्रमण पुष्टि भएको छ ।

बुधबार एन्टिजेन र पीसीआर विधिबाट एक हजार ७ सय ४८ जनाको परीक्षण गर्दा ४७७ जनामा संक्रमण पुष्टि भएको प्रदेश स्वास्थ्य निर्देशनालयले जनाएको छ ।

निर्देशनालयका अनुसार एक हजार चार सय ३१ जनाको एन्टिजेन परीक्षण गर्दा दुई सय ७८ र तीन सय १७ जनाको पीसीआर परीक्षण गर्दा एक सय ९९ जनामा कोरोना संक्रमण पुष्टि भएको हो ।

उनीहरुमध्ये एक सय ७२ जना मात्र भारतबाट स्वदेश फर्किएका हुन् भने बाँकी स्थानीय हुन् । योसँगै सुदूरपश्चिममा कोरोना संक्रमितको सख्या बढेर ५१ हजार ९९८ पुगेको छ ।

सबैभन्दा धेरै सक्रिय संक्रमित कैलालीमा छन् । स्वास्थ्य निर्देशनालयको तथ्यांक अनुसार कैलालीमा सक्रिय संक्रमितको संख्या ७५३ पुगेको छ ।

कैलालीपछि कञ्चनपुरमा ४९६ सक्रिय संक्रमित छन् भने अन्य पहाडी जिल्लामा सक्रिय संक्रमितको संख्या एक सय जना भन्दा कम रहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?