‘करोडौंमा’मा आर्यन र रुबिना

१८ माघ, काठमाडौं । क्षितिज सापकोटा र स्वेच्छा ठकुरीको स्वरमा ‘करोडौंमा’ बोलको गीतको भिडियो सार्वजनिक गरिएको छ ।

गायक क्षितिजकै शब्द रचना र अर्जुन पोखरेलको संगीत रहेको प्रेमभावको यो गीतको भिडियोलाई शिशिर खातीले निर्देशन गरेका छन् ।  आरजु बैजुको कोरियोग्राफी रहेको भिडियोमा अभिनेता आर्यन सिग्देल र अभिनेत्री रुबिना थापाले अभिनय गरेका छन् ।

परदेशमा रहेर पनि निरन्तर नेपाली संगीतमा सक्रिय क्षितिजको शब्द रहेको ‘चाहिंदैन तिमी बिनाको सुनैको दरबार’लाई स्रोता-दर्शकले निकै रुचाएका थिए ।

यस्तै उनको ‘माखे साङ्लो’, ‘सिरुपाते कम्मर’, ‘किराना पसल’ लगायतका गीत सार्वजनिक भइसकेका छन् । यसअघिका जस्तै यो गीतलाई पनि स्रोता–दर्शकले मन पराउनेमा सापकोटा विश्वस्त छन् । रबिन्द्र बरालको छायांकन गरेको ‘करोडौंमा’ गीतको भिडियोलाई मनोज कार्कीले सम्पादन गरेका हुन् ।