नेटफ्लिक्सको फिल्म ‘थार’मा अनिल कपूर र छोरा हर्षबर्धनले अभिनय गर्ने

९ फागुन, काठमाडौं । नेटफ्लिक्सले आफ्नो थ्रिलर चलचित्र ‘थार’को घोषणा गरेको छ । बदलामा आधारित यो चलचित्रमा बलिउड अभिनेता अनिल कपूर र उनका छोरा हर्षबर्धन कपूरको मुख्य भूमिका रहनेछ । अनिल यो चलचित्रका निर्माता समेत हुन् ।

पश्चिमी नोयर शैलीबाट प्रभावित ‘थार’मा ८० दशकको कथा छ । यसमा सिद्धार्थ अर्थात् हर्षबर्धन कपूर रोजगारीका लागि पुष्करमा पुगेपछि आफ्नो विगतको बदला लिनका लागि यात्रामा निस्कन्छन् ।

यो थ्रिलर चलचित्रमा अनिल र हर्षबर्धनका अलावा फातिमा सना शेख र सतीश कौशिकको पनि मुख्य भूमिका रहेको छ ।

‘थार’लाई राज सिंह चौधरीले निर्देशन गरेका हुन् । उनको यो डेब्यु निर्देशन हो । चलचित्रलाई राज सिंहले नै लेखेका हुन् ।