गोरखाको शक्तिचोकमा सानिमा बैंकको शाखा विस्तार

काठमाडौं । सानिमा बैंक लिमिटेडले गोरखाको शक्तिचोकमा आफ्ना शाखा विस्तार गरेको छ ।

बिहीबार शाखा कार्यालयको उद्घाटन ब्रान्ड प्रवद्र्धक वरिष्ठ कलाकारद्वय मदनकृष्ण श्रेष्ठ र हरिवंश आचार्य, र बैंकका प्रमुख कार्यकारी अधिकृत निश्चल राज पाण्डेले संयुक्त रुपमा गरेका छन् ।

शाखा कार्यालयको उद्घाटन गर्दै मह जोडीले सबल र विश्वसनीय बंैकको रुपमा निरन्तर विस्तार हुन र थप सफलताको शुभकामना दिएका थिए ।

कार्यक्रममा गोरखा नगरपालिकाका मेयर राजनराज पन्तले सहज रुपमा सबैको पहुँच पुग्ने गरी सेवा प्रदान गर्न बैंकलाई सुझाव दिए ।

बैंकका प्रमुख कार्यकारी अधिकृत पाण्डेले बैंकका ग्राहक तथा सरोकारवालाहरुलाई निरन्तर सहयोग तथा संरक्षणका लागि अनुरोध गरे ।

सानिमा बैंकका अनुसार देशका सातै प्रदेशमा १२३ कार्यालय र १०३ वटा एटीएम सञ्चालनमा छन् ।