मंगलबार सेयर बजार पनि बन्द रहने

२३ फागुन, काठमाडौं । भोलि (मंगलबार) सेयर बजार कारोबार पनि बन्द हुने भएको छ ।

अन्तर्राष्ट्रिय नारी दिवसको अवसरमा नेपाल नेपाल स्टक एक्सचेञ्ज (नेप्से) बिदा हुने भएकाले सेयर बजार कारोबार पनि बन्द हुने भएको हो । अब बुधबारमात्रै सेयर बजार खुला हुने नेप्सेका प्रवक्ता मुराहरी पराजुलीले जानकारी दिए ।

नेपाल राष्ट्र बैंकका अनुसार मंगलबार बैंक तथा वित्तीय संस्थाहरु समेत बन्द हुने भएका छन् ।