+
+

‘एसआरके प्लस’ नाममा ओटीटी लन्च गर्ने तयारीमा शाहरुख

अनलाइनखबर अनलाइनखबर
२०७८ चैत १ गते १५:०१

१ चैत, काठमाडौं । बलिउड अभिनेता शाहरुख खानले ओभर दी टप (ओटीटी) प्लेटफर्म सञ्चालनमा ल्याउने घोषणा गरेका छन् । मंगलबार आफ्नो ट्वीटर ह्याण्डलमार्फत उनले चाँडै नै ‘एसआरके प्लस’ नाममा ओटीटी लन्च गर्ने जानकारी दिएका हुन् ।

उनले ट्वीट गरेका छन्, ‘ओटीटीको दुनियाँमा केही हुनेवाला छ ।’ यसबाट बुझ्न सकिन्छ उनले चाँडै नै आफ्नो ओटीटी प्लेटफर्म सञ्चालनमा ल्याउन लागेका छन् ।

उनले यस्तो घोषणा गरेसँगै शाहरुखका प्रशंसकहरु उत्साहित देखिएका छन् । उनीहरुले ‘एसआरके प्लस’को प्रतीक्षामा रहेका शाहरुखलाई बताएका छन् । कोरोना महामारीपछि विश्वव्यापी रुपमै ओभर दी टप (ओटीटी) प्लेटफर्मको क्रेज बढ्दै जाँदा शाहरुखले पनि आफ्नो ओटीटी लन्च गर्ने तयारी गरेका हुन् ।

नेटफ्लिक्स, अमेजन प्राइम भिडियो, डिज्नी प्लस हटस्टार, सोनी लिभ, जी फाइभजस्ता ओटीटी प्लेटफर्म हाल लोकप्रिय छन् ।

बलिउडका बादशाह भनिने शाहरुख खानको आगामी फिल्म ‘पठान’ हो । यो फिल्ममा जोन अब्राहम र दीपिका पादुकोणको पनि मुख्य भूमिका रहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?