५०० रुपैयाँले बढ्यो सुनको मूल्य

३ चैत, काठमाडौं । बिहीबार सुनको मूल्य तोलामा ५०० रुपैयाँले वृद्धि भएको छ ।

सुनचाँदी व्यवसायी महासंघका अनुसार बिहीबार छापावाला सुनको प्रतितोला मूल्य ९९ हजार ८०० रुपैयाँ पुगेको छ । बुधबार छापावाला सुनको प्रतितोला मूल्य ९९ हजार ३०० रुपैयाँ थियो ।

बिहीबार तेजाबी सुनको प्रतितोला मूल्य ९९ हजार ३०० मा कारोबार भइरहेको महासंघले जनाएको छ ।

बिहीबार चाँदीको प्रतितोला मूल्य पनि २० रुपैयाँले बढेर १३९० रुपैयाँमा कारोबार भइरहेको महासंघले जनाएको छ । बुधबार चाँदीको प्रतितोला मूल्य १३७० रुपैयाँमा कारोबार भएको थियो ।