+
+

एल क्लासिको मा रियलमाथि बार्सिलोनाको शानदार जित

अनलाइनखबर अनलाइनखबर
२०७८ चैत ७ गते ७:१४

७ चैत, काठमाडौं । स्पानिस ला लिगा अन्तर्गत चर्चित एल क्लासिको मा बार्सिलोनाको शीर्ष स्थानको रियल मड्रिडमाथि शानदार जित हात पारेको छ ।

आइतबार राति बार्सिलोनाले रियललाई उसैको मैदान सान्टियागो बर्नाबेउमा ४-० ले पराजित गरेको हो ।

बार्सिलोनाको जितमा पिएरे एमरिक ओबामेयाङले दुई तथा फेरान टोरेस र रोनाल्ड कराउकोले एक एक गोल गरे ।

यस जितपछि बार्सिलोनाले लिग लिडर रियलसँग अंकदूरी १२ मा झारेको छ । यस्तै दोस्रो स्थानको सेभियासँग अब ३ अंकको दूरी मात्र छ ।

बार्सिलोनाले २२ मिनेट अन्तरमा ४ गोल गरेको थियो । ओबामेयाङले २९औं र ५१औं मिनेटमा गोल गर्दा अराउकोले ३८औं र फेरानले ४८औं मिनेटमा गोल गरेका थिए ।

क्लबका पूर्वखेलाडी जाभीले रियललाई हराएपछि उपाधि जित्ने सम्भावना अझै नसकिएको जनाएका छन् ।

रियल मड्रिड २९ खेलबाट ६६ अंकसहित शीर्ष स्थानमा रहँदा एक खेल कम खेलेको बार्सिलोनाको ५४ अंक छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?