+
+

सामुएल एल ज्याक्सनलाई मानार्थ ओस्कार अवार्ड प्रदान

अनलाइनखबर अनलाइनखबर
२०७८ चैत १३ गते १२:१७

काठमाडौं । अभिनेता सामुएल एल ज्याक्सनसहित केही हलिउड कलाकारलाई मानार्थ ओस्कर अवार्ड प्रदान गरिएको छ । अवार्ड समारोह हुनु एक दिनअघि उनीहरुलाई सम्मान दिइएको हो ।

फिल्म र मानवीय सहायताजस्ता कार्यमा दशकौंदेखि योगदान पुर्‍याएबापत उनीहरुलाई अवार्ड दिइएको एकेडेमी अफ मोसन पिक्चर्स आर्ट्स एन्ड साइन्सेजले जनाएको छ ।

मानार्थ अवार्ड प्रदान गर्न आयोजित समारोहमा अभिनेता डेन्जेल वासिङ्टनले ज्याक्सनलाई परिचय गराएका थिए । पाँच दशकदेखि ज्याक्सनले १५२ फिल्ममा अभिनय गरेको र ती फिल्मले २७ बिलियन डलर कमाइ गरेको उनले उल्लेख गरे ।

ओस्कर ग्रहण गर्दै अभिनेता ज्याक्सनले परिवार र व्यावसायिक प्रतिनिधिलाई धन्यवाद समेत दिए । टिकट लिएर आफ्ना फिल्म हेर्ने दर्शकलाई समेत उनले धन्यवाद दिए । ‘हलिउडले जसरी दर्शकलाई मनोरञ्जन दिन्छ, उसैगरी मैले पनि दर्शकलाई मनोरञ्जन दिएको छु,’ ज्याक्सनले भने, ‘केही घण्टाको लागि भएपनि दर्शकलाई उनीहरुको जीवन भुलाइदिन सक्नु र उत्साहित तुल्याउनु हाम्रो सफलता हो ।’

‘लेथर विपोन’ स्टार डेनी ग्लोबरलाई मानवीय सहायतामा योगदान पुर्‍याबाएपत अवार्ड दिइयो । अभिनेता ग्लोबर अहिले युनिसेफका सद्भावना दूत समेत छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?