नेपालले आज मलेसियासँग खेल्दै, यस्ताे छ हेड टु हेड

१६ चैत, काठमाडौं । त्रिकोणात्मक टी-२० शृङ्खलाअन्तर्गत नेपालले आज मलेसियासँग खेल्दैछ । दुवै टिमको यो दोस्रो खेल हो । नेपाल र मलेसियाले यसअघि पपुवा न्यूगिनी (पीएनजी) लाई पराजित गरिसकेका छन् ।

शृङ्खलाकै पहिलो खेलमा नेपालले पीएनजीलाई १५ रनले पराजित गरेको थियो भने मंगलबार भएको खेलमा मलेसियाले पीएनजीलाई ८ रनले हराएको थियो ।

नेपाल र मलेसियाबीचको खेल कीर्तिपुरस्थित टीयू अन्तर्राष्ट्रिय क्रिकेट मैदानमा साढे १२ बजे सुरु हुनेछ ।

गत वैशाखमा नेपालमै भएको नेपाल र नेदरल्याण्ड्ससहितको त्रिकोणात्मक शृङखला खेलेपछि अन्तर्राष्ट्रिय क्रिकेट नखेले पनि मलेसियाले पीएनजीलाई हराएर सनसनी मच्चाएको छ । त्यसैबेला नेपालले दुवै खेलमा मलेसियालाई पराजित गरेको थियो ।

नेपाल र मलेसिया ११ महिनापछि खेल्न लागेका हुन् ।

मलेसिया नेपालको लागि नौलो प्रतिद्वन्द्वी भने होइन । अहिलेसम्म टी-२० मा नेपाल र मलेसियाबीच कुल १० खेल भइसकेको छ । जसमा ६ खेल टी-२० अन्तर्राष्ट्रिय मान्यता प्राप्त छ । त्यसमा नेपालले पाँच खेल जितेको छ भने मलेसियाले एक खेल मात्र जितेको छ ।

वैशाखमा नेपालले मलेसियालाई टी-यू मैदानमै ९ विकेट र ६९ रनले पराजित गरेको थियो ।

नेपाल भर्सेस मलेसिया हेड टु हेड

टी-२०आई खेल : ६
नेपाल विजयी : ५
मलेसिया विजयी : १

२०१९ नेपाल इन मलेसिया टी-२० आई सिरिज

पहिलो खेलमा नेपाल ७ विकेटले विजयी
दोस्रो खेलमा नेपाल ६ रनले विजयी

२०१९ आईसीसी विश्वकप टी २० क्वालिफायर एसिया रिजन फाइनल

नेपाल ७ विकेटले विजयी

२०२० एसीसी इस्टर्न रिजन टी-२०
नेपाल २२ रनले पराजित

२०२१ त्रिकोणात्मक सिरिज
पहिलो खेलमा नेपाल ९ विकेटले विजयी
दोस्रो खेलमा नेपाल ६९ रनले विजयी