सम्पादक घिमिरेलाई नगेन्द्रराज शर्मा साहित्यिक पत्रकारिता पुरस्कार

काठमाडौं । नगेन्द्रराज शर्मा साहित्यिक पत्रकारिता पुरस्कार रचना पत्रिकाका सम्पादक रोचक घिमिरेलाई प्रदान गरिएको छ । साहित्यिक पत्रकार नगेन्द्रराज शर्माको नाममा स्थापित कोषले साहित्यिक पत्रकारिताको क्षेत्रमा योगदान पुर्‍याउने पत्रकारलाई यसै वर्षदेखि प्रदान गर्न सुरु गरेको हो ।

घिमिरेलाई मंगलबार काठमाडौंमा एक समारोहको आयोजना गरी पुरस्कार प्रदान गरिएको हो । पुरस्कारको राशी २५ हजार रुपैयाँ रहेको छ ।

पुरस्कार ग्रहण गरेपछि घिमिरेले आफूले प्राप्त गरेको पुरस्कारको रकममा आफ्नो तर्फबाट पाँच हजार थप गरी ३० हजार रूपैयाँ अक्षय कोषका लागि हस्तान्तरण गरेका थिए ।