ललितपुर महानगरमा एमालेको उम्मेदवार को ?

२६ चैत, काठमाडौं । नेकपा एमालेको ललितपुर महानगरपालिका कमिटीले मेयरले उम्मेदवार सिफारिस गरेन ।

सर्वसम्मत उम्मेदवार सिफारिसका लागि बैठक एक दिन रोकेर छलफल थालिएको नगर कमिटी अध्यक्ष अष्ट शाक्यले जानकारी दिइन् । शनिबार बसेको नगर कमिटीको बैठकमा हरिकृष्ण व्यञ्जनकारसँगै नगर कमिटी अध्यक्ष शाक्य लगायतले मेयरमा दाबी गरेका थिए ।

‘सर्वसम्मत उम्मेदवार सिफारिस गरौं भनेर बैठक रोकेर छलफलमा छौं, भोलि एउटा निर्णयमा पुग्छौं’ शाक्यले भनिन् ।

मेयरको टिकटको दावेदार व्यञ्जनकार २०७४ मा पनि मेयरको उम्मेदवार थिए । तर कांग्रेसका चिरीबाबु महर्जनसँग ३२६ मत अन्तरले पराजित भएका थिए ।