+
+

राजविराज नगरपालिकाको मेयरमा दुई जनाको नाम सिफारिस

अनलाइनखबर अनलाइनखबर
२०७९ वैशाख ६ गते २१:००

६ वैशाख, सप्तरी । जनता समाजवादी पार्टी (जसपा) ले राजविराज नगरपालिकाको मेयरको उम्मेदवारका लागि वर्तमान मेयरसहित दुई जनाको नाम सिफारिस गरेको छ ।

बर्तमान मेयर शम्भु यादव र उनीसँगै प्रतिस्पर्धा गरेका निकटतम प्रतिद्वन्द्वी भीमराज यादवको नाम मेयरको उम्मेदवारका लागि सिफारिस गरिएको राजविराज नगर समितिले जनाएको छ ।

२०७४ सालको निर्वाचनमा तत्कालिन राष्ट्रिय जनता पार्टी (राजपा) बाट मेयरमा निर्वाचित शम्भु अहिले जसपामा छन् । भीमराज भने तत्कालिन संघीय समाजवादी फोरम नेपालबाट उम्मेदवार भई शम्भुसँग १५ मत अन्तरले पराजित भएका थिए ।

जसपाले यी दुबै जनाको नाम सिफारिस गरेको पार्टीका जिल्ला कोषाध्यक्ष बृजमान तामाङले जानकारी दिए ।

यस्तै, उप मेयरमा तीन जनाको नाम सिफारिस गरिएको छ । रमिला साह, तपसुन प्रबीणर प्रमिला कुमारी साहको नाम प्रस्ताव गरिएको नगर उपाध्यक्ष शम्भु प्रसाद यादवले जानकारी दिए ।

उनका अनुसार प्रस्तावित नामलाई जिल्ला समवन्य समितिमा पठाउने निर्णय भएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?