+
+

सुनसरीका दुई उपमहानगरमा भागवण्डा, पालिकामा कांग्रेसको अड्को

अनलाइनखबर अनलाइनखबर
२०७९ वैशाख ९ गते १२:०९

९ वैशाख, विराटनगर । नेपाली कांग्रेसले एउटा पालिका पनि छाड्न नमानेपछि सुनसरीमा गठबन्धनमा रहेका दललाई भावण्डा मिलाउन सकस परेको छ ।

दुई उपमहानगरसहित १२ पालिका रहेको सुनसरीमा उपमहानगरको भागवण्डा केन्द्रबाट मिलेको छ । तर बाँकी रहेका १० पालिका कांग्रेसले दाबी गरेपछि गठबन्धन गर्न सकस परेको हो ।

नेपाली कांग्रेस सुनसरीका सभापति केदार भण्डारी १० पालिकाको नेतृत्वमा कांग्रेसको दाबी रहेको बताउँछन् । पार्टी भित्रबाट प्रेसर रहेको बताउँदै उनले गठबन्धनमा रहेका अरु दललाई उपाध्यक्ष र वडा अध्यक्ष दिन तयार रहेको बताए । ‘छलफल निरन्तर चलिरहेको छ, तर सहमति जुटेको छैन,’ उनले भने ।

उनका अनुसार माओवादी केन्द्र र एकिकृत समाजवादी पार्टीले एक-एक पालिका मागेको छ । दुवैको दाबी बराह नगरपालिकामा छ ।

माओवादी केन्द्र प्रदेश-१ उपाध्यक्ष शिव डागी दुई वटा उपमहानगरको नेतृत्व छाडेका कारण सुनसरीमा माओवादीले एउटा पालिका पाउनुपर्ने दाबी गरेको बताउँछन् ।

‘दुई वटा उपमहानगर छाड्यौ, हामीले एउटा पालिका मागेकामा दाबी गरेका छौं,’ माओवादी केन्द्र प्रदेश १ का उपाध्यक्ष शिव डागीले भने,‘ कांग्रेसले सहमतिका लागि चासो देखाएको छैन ।’

२०७४ सालको स्थानीय तह निर्वाचनमा ९ वटा पालिका जितेको नेपाली कांग्रेसले सुनसरीमा १२ वटै पालिका नछोड्ने बताएको छ ।

‘उपमहानगर छाडेका कारण हामीले एउटा पालिका पाउनुपर्छ,’ डागीले भने,‘ पालिका पाइएन् भने केन्द्रको निर्णय कसरी कार्यान्यवन गर्ने भन्ने प्रश्न उठ्छ ।’

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?