धरान–४ का वडाध्यक्षले एमाले छोडे

१० वैशाख, धरान । धरान उपमहानगरपालिका–४ का वडाध्यक्ष मानबहादुर राईले नेकपा एमाले परित्याग गरेका छन् । एमाले परित्याग लगत्तै राई नेकपा एकीकृत समाजवादी प्रवेश गरेका छन् ।

०७४ को चुनावमा राईसहित धरान उपमहानगरपालिकामा १४ वडाध्यक्ष जितेको थियो । राई फेरि पनि वडाध्यक्षका आकांक्षी थिए ।

एमाले परित्याग गरेका राई एकीकृत समाजवादीबाट गठबन्धनको उम्मेदवार बन्ने अनुमान गरिएको छ । सत्तारुढ गठबन्धनका तर्फबाट यो वडा एकीकृत समाजवादीलाई दिइएको छ ।