+
+

कांग्रेसको असन्तुष्ट समूहले भरतपुरको मेयरमा पूर्वसांसद पाैडेललाई उम्मेदवार बनाउने

सुवास पण्डित सुवास पण्डित
२०७९ वैशाख ११ गते १६:२५

११ वैशाख, चितवन । नेपाली कांग्रेसकाे असन्तुष्ट समूहले भरतपुर महानगरपालिकाको मेयरमा पूर्वसांसद जग्गनाथ पाैडेललाई उम्मेदवार बनाउने भएको छ ।

नारायणगणको कमलनगरस्थित कांग्रेस पार्टी कार्यालयमा आइतबार बसेको असन्तुष्ट पक्षको भेलाले पाैडेललाई कांग्रेसकाे तर्फबाट स्वतन्त्र उम्मेदवार बनाउने निर्णय गरेको हाे । पाैडेल राष्ट्रिय सभाका पूर्वसांसद हुन् । पाैडेलले महानगरकाे मेयरमा आकांक्षा समेत राखेका थिए ।

पाैडेललाई पार्टीबाट प्रतिनिधित्व गर्ने केन्द्रीय सदस्य, निवर्तमान जिल्ला सभापति, क्षेत्रीय सभापति, तथा विभिन्न वडाका सभापतिहरूले समर्थन गरेको कांग्रेसका नेता उद्वव लाेहनीले जानकारी दिए । उनलाई महासमिति सदस्य मिना खरेलले प्रस्ताव तथा पूर्वसांसद भीमबहादुर श्रेष्ठले समर्थन गरेका छन् ।

मेयरको उम्मेदवार बन्न लागेका नेता पाैडेलले कांग्रेस बचाउनका लागि मेयरमा उम्मेदवारी दिन लागेको बताए । सोमबार दिउँसो १ बजे पार्टीको झण्डासहित भरतपुर चाैबिसकाेठीबाट नेता कार्यकर्तासहित उम्मेदवारी दर्ता गराउने उनले बताए ।

लेखकको बारेमा
सुवास पण्डित

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?