ललितपुरको मेयरमा चिरिबाबु महर्जनको मनोनयन दर्ता

१२ वैशाख, काठमाडौं । ललितपुर महानगरपालिकाको मेयरमा नेपाली कांग्रेसकातर्फबाट चिरिबाबु महर्जनले मनोनयन दर्ता गरेका छन् ।

सत्ता गठबन्धनबीचको सहमति अनुसार कांग्रेसको भागमा परेको ललितपुरको मेयरमा महर्जनले टिकट पाएका हुन् ।

गठबन्धनकातर्फबाट उपमेयरमा नेकपा माओवादी केन्द्रका बाबुराज वज्राचार्यले मनोनयन दर्ता गरेका छन् ।

यो पटक सत्तारुढ गठबन्धनबाट मेयर बनेका महर्जन ललितपुरको निवर्तमान मेयर पनि हुन् ।

२०७४ सालकाे चुनावमा उनले नेकपा एमालेका हरिकृष्ण व्यञ्जनकारलाई हराएका थिए ।

व्यञ्जनकार यसपटक पनि एमालेबाट मेयर उठेका छन् ।