१६ वैशाख, काठमाडौं । अखिल नेपाल फुटबल संघ एन्फाका तीन उपाध्यक्ष र एक सदस्यसहित चार जनाले तत्काल कार्यसमिति बैठक बोलाउन माग गरेका छन् ।
राष्ट्रिय फुटबल टिमका खेलाडी र मुख्य प्रशिक्षकबीच उत्पन्न विवाद अत्यन्त संवेदनशील विषय भएको उल्लेख गर्दै वरिष्ठ उपाध्यक्ष पंकजबिक्रम नेम्वाङ, उपाध्यक्षद्वय कृष्णबहादुर थापा, वीरबहादुर खड्कासहित केन्द्रिय सदस्य दावा लामाले बैठक माग गरेका हुन् ।
खेलाडी र प्रशिक्षकको विवाद अत्यन्त संवेदनशील विषय भएको भन्दै उनीहरुले तत्काल बैठक बसेर निर्णय गर्नुपर्ने बताएका छन् ।
यो विषयमा अध्यक्ष कर्मा छिरिङ शेर्पासँग छलफल गर्ने कुरा भए पनि भेट नभएपछि एन्फामा पत्र नै दर्ता गरेको वरिष्ठ उपाध्यक्ष पंकजले बताए ।
केही सदस्यले राजीनामा दिईसकेको भन्दै हाल कायम पदाधिकारी मध्ये एक तिहाईले बैठक माग गरेकोले कार्यसमिति बैठक बस्नुपर्ने बताए ।
प्रशिक्षक अब्दुल्लाह अल्मुताइरीले मानसिक रुपमा दबाव दिने गरेको भन्दै एशिया कप छनोटको तयारीमा रहेका १० जना खेलाडीले प्रशिक्षण छाडेका छन् ।
प्रशिक्षक अल्मुताइरीले भने उनीहरुको सट्टा अरु नयाँ खेलाडी थपेर प्रशिक्षणलाई निरन्तरता दिइरहेका छन् ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4