हुम्लामा सदरमुकाम रित्तियो, गाउँ भरियो !

२६ वैशाख, हुम्ला । स्थानीय तह निर्वाचनको दिन नजिकिन थालेपछि हुम्लाको सदरमुकाम सिमकोट बजारमा चहलपहल घटेको छ ।

सात स्थानीय तह रहेको हुम्ला जिल्लाका अधिकांश नेता कार्यकर्ता आफ्नै स्थानीय तहमा चुनाव प्रचार प्रसारमा व्यस्त भएका छन् । सदरमुकाममा अस्थायी बसोबास गर्नेहरु पनि मतदान गर्न गाउँ फर्किएपछि सदरमुकाममा चहल पहल घटेको हो ।

तीन–चार दिनदेखि बजार निकै सुनसान भएको स्थानीय नन्द सिंहले जानकारी दिए ।

मानिसहरुको चहलपहल घटेपछि होटेल पसल, लगायत बन्द अवस्थामा रहेको सिहंले बताए । बजारमा छिटपुट मानिसहरु मात्रै भेटिने गरेको उनको भनाइ छ ।

चंखेली गाउँपालिका–१ का तिलक बोहरा अहिले सिमकोटभन्दा गाउँ रमाइलो भएको बताउँछन् । ‘सिमकोट भन्दा रमाईलो अहिले गाउँ घर छ, एक समुह जान्छ अर्को समुह आउँछ’ उनले भने ।