वालिङमा माओवादीले गर्‍यो कांग्रेसका उम्मेदवारलाई समर्थन

२८ वैशाख, स्याङ्जा । स्याङ्जाको वालिङ नगरपालिकामा माओवादी केन्द्रले नेपाली कांग्रेसका मेयर र उपमेयरका उम्मेदवारहरुलाई समर्थन गर्ने भएको छ ।

गठबन्धनबीच भएको सहमतिका आधारमा माओवादी केन्द्रले कांग्रेसका तर्फबाट मेयर पदका उम्मेदवार दिलिपप्रताप खाँण र उपमेयर पदका उम्मेदवार कविता तिवारी गैह्रेलाई समर्थन गर्ने निर्णय गरेको हो ।

सत्ता गठबन्धनका दलका नेताहरुले मंगलबार बेलुकी वालिङमा पत्रकार सम्मेलन गरी सहमतिबारे जानकारी दिएका थिए ।

वालिङमा माओवादी केन्द्रबाट नित्यानन्द तिवारी मेयरको उम्मेदवार थिए । नेकपा एमालेले वालिङमा कृष्ण खाँणलाई मेयर र खगिसरा थापा मगरलाई उपमेयरको उम्मेदवार बनाएको छ ।